Friday, August 17, 2007

Maa Kasam Duniyawaalon..

Yeh sab mere saath hi kyon hota hai? Har Hindi movie mereko bataati gayi ki ishq-vishq-pyar-vyar meri bas ki baat nahi. Phir bhi mujhe pyar kyon hua? Hua toh hua, usko merese pyar kyon nahi hua? Yaar har ek movie mein toh aisa hi hota hai na, ladka ladki pe fida hota hai, phir ladki bhaav khaati hai, phir ladka uske peeche padta hai, phir ladki kaise toh uske bichaaye hue jaal mein phas jaati hai, mein toh jaal beechaane se pehle hi ladki bhaag jaati hai, yeh kaisa insaaf hai!

Chalo bachpan ki baat karte hai, school mein jis bandhi se pyaar hua, uspe mera acha sa dost bhi fida ho gaya. Mein bada dilwaala hoke apne dost ko chance maarne ko diyaa. Phir wahi dost ne yeh bandhi ko kalti maarke kisi doosri ko pakda. Mein bhadak gaya, aur phir se ispe line maarne lag gaya. Lekin mein apni jabaan kholne se pehle hi yeh bandhi Canada chali gayi! Bedard zamaana sirf tamaasha dekhta reh gaya!

Yaar ek baar ek achi ladki mili thi meri college mein, mein socha chalo usko pataane ki koshish karun, toh mera dost aata hai aur bolta hai, "Yaar woh kya mast hai na? Mereko bahut pasand hai. Tereko kya lagta hai?" Meine dosti ke liye apne pyaar ki kurbaani de di. End mein na woh mujhe mili na mere dost ko. Hum dono humaare dukh ke aasoon ab tak paunch rahein hai.

Phir bahut saalon baat koi class mein ek bandhi aayi, achi lagi, uska koi boyfriend nahi hai sunke dil ko sukoon mila. Ek din usko pyaar se ghuur raha tha mein, ki achanak doosra dost aaya aur bola, "Yaar woh kya mast hai na". Saala! Zindagibhar kya dosti ke liye kurbaani hi deta rahoon! Mein bola, "Hadh hai yaar! Tu doosri pakad. Isko kal date pe aati hai kya karke puchega". Log kitna selfish hote hai, kabhi koi mere baarein mein bhi socho yaar. Toh doosre din mast ban than ke gaya class mein, par yaar woh ladki hi gayab thi. Chalo mereko laga agli baar puchega mein. Lekin yeh bandhi ek mahine baad class mein aayi. Bahut khush lag rahi thi. Mera dil bola, "Acha mauka hai" aur mera jawan dil aagey badha. Usko bola, "Yaar terese baat karni hai". Aur woh boli, "Mereko bhi tujhse baat karni hai". Mein socha, "Haila!" aur bola, "Haan haan, tu bol na. Mein rukta hai". Toh woh boli, "Yaar meri engagement ho gayi. Yeh dekh anguthee. Haan ab tu bol." Mein usko sirf "congratulations" karke apne aasun pite hue waapis gaya. Kya socha kya paaya dil ne...

Ab tai kiya, kabhi pyar nahi karunga, kabhi kisiko apna dil nahi doonga. Mera dil mere paas hi rahega!

Phir aaye woh ghane din jab mein sirf career ke peeche pada tha aur kidhar bhi nahi jaa raha tha. Par mera dil mere paas tha. Lekin pyaar toh hona hi thaa. Woh aayi aur mere dil phisal gaya. Mere saath saath mere dost ka bhi dil phisalna hi thaa. Saal beet gaya magar hum dono mein se usko koi pataa na saka. Itne time mein usko kisi aur ne pataa liya tha! Humaraa pyar wahi samapt ho gaya.

Phir dil kameena thaa. Bachpan ki dost pe phisal gaya. Usko jab iska doubt aaya toh usnein jaldi se apna shaadi manaa liya.

Dil ro uthaa, cheekh uthaa. Mein use sambhal na paya. Kisine mujhe sahaara diya. Dil phir se kameena bana. Jisne mujhe sambhaala, usko hi chahaane laga. Ikraar kiya inkaar mila, dil toot toot ke choor ho gaya! Magar ab yeh dil nahi royega. Kyon ki usdin meine sunaa jo Sonu Nigam ne kahaan, "Humko maalum hai ishq maasoom hai". Toh haan, mera ishq bhi utnaa hi maasoom hai duniyawaalon, toh phir yeh dard kyon? Kyon duniyaawalon kyon?

1 comment:

Anonymous said...

Sach meinn aankho mein aansu aa gaye tumhari dukh bhari kahanii sunkar[:P][:D]

he he he